शिवसेना, युवासेनेच्या वतीने तिथीनुसार शिवजयंती साजरी !

चिखली : हिंदवी स्वराज्याचे संस्थापक छत्रपती शिवाजी महाराज यांची तिथीनुसार येणारी जयंती शिवसेना व युवासेनेच्या वतीने चिखलीत उत्साहात साजरी करण्यात आली. यानिमित्ताने स्थानिक शिवराणा बँक ते छत्रपती शिवाजी महाराज चौक वाजत गाजत फटाक्यांची आतषबाजी करत छत्रपती शिवाजी महाराज यांचा जयघोष करत, पंचामृत अभिषेक करून पूजा करून महाआरती घेऊन कार्यक्रमाचा समारोप करण्यात आला.

शिवसेनेचे प्रा.नरेंद्र खेडेकर, भास्करराव मोरे यांच्या प्रमुख उपस्थितीत पार पडलेल्या कार्यक्रमाला शिवाजी देशमुख, तालुकाप्रमुख कपिल खेडेकर, शहरप्रमुख श्रीराम झोरे, युवासेना तालुकाप्रमुख नंदू कऱ्हाडे, शहर संघटक प्रीतम गैची, बाजार समितीचे संचालक गजानन पवार, नगरसेवक दत्ता सुसर, श्रीकांत टेहरे, खविसं उपाध्यक्ष शिवाजी पवार, उपतालुकाप्रमुख श्रीकिसन धोंडगे, विलास सुरडकर, अरुण आंबसकर, श्याम शिंगणे, आनंद गैची, रवी पेटकर, युवा सेना शहर प्रमुख विलास घोलप, विठ्ठल जगदाळे, मनोज वाघमारे आदींसह बहुसंख्य शिवसेना व युवासेना पदाधिकारी, कार्यकर्ते उपस्थित होते. (तालुका प्रतिनिधी)

..............................