मॅरेथॉन स्पर्धेत सिद्धी डिडोळकर प्रथम - A

जागतिक महिला दिनाचे औचित्य साधून अकोला येथील मोठी उमरी येथे दोन गटात मॅरेथॉन स्पर्धेचे आयोजन करण्यात आले होते.

१४ वर्षांखालील मुलींच्या दोन किलोमीटर गटामध्ये तेजस्वी स्पोर्ट्स बुलडाण्याची सिद्धी राजेश डिडोळकर हिने ६.२७.४७ मिनिटांमध्ये स्पर्धा पूर्ण करून प्रथम क्रमांक मिळविला आहे, तर याच गटात उत्क्रांती प्रशांत हिंगे ६.५०.६५ मिनिटांत अंतर पूर्ण करून द्वितीय क्रमांक मिळविला आहे, तसेच १४ वर्षांवरील पाच किलोमीटर मुलींच्या गटात गायत्री गजानन अहिर तिने तृतीय क्रमांक मिळविला आहे. या तिघांनाही रोख रक्कम व मेडल देऊन मान्यवरांच्या हस्ते सन्मानित करण्यात आले आहे, तर फाल्गुनी राजेंद्र देवरे हिने सहावा क्रमांक मिळविला आहे, तसेच मुलांमध्ये यश गायकवाड व जशवंत पऱ्हाड या दोघांनीही अनुक्रमे पाचवा व नववा क्रमांक घेऊन मेडल घेण्यास पात्र ठरले आहेत. सर्व विजयी स्पर्धकांचे तेजस्वी स्पोर्टसचे क्रीडा मार्गदर्शक विजय वानखडे राजेश डिडोळकर यांनी काैतुक केले.