सिंदखेडराजाचे आमदार डॉ. शशिकांत खेडेकरांच्या वाहनाला अपघात
By लोकमत न्यूज नेटवर्क | Published: February 9, 2018 12:45 AM2018-02-09T00:45:45+5:302018-02-09T00:46:27+5:30
मलकापूर : सिंदखेडराजाचे आ. डॉ. शशिकांत खेडेकर यांच्या चारचाकी वाहनाची निंबाच्या झाडाला धडक बसून, झालेल्या अपघातामध्ये चालक जखमी झाल्याची घटना ७ फेब्रुवारीला मध्यरात्री बुलडाणा रोडवरील यशोधामनजिक घडली.
सिंदखेडराजाचे आमदार डॉ. शशिकांत खेडेकरांच्या वाहनाला अपघात
Next लोकमत न्यूज नेटवर्क
मलकापूर : सिंदखेडराजाचे आ. डॉ. शशिकांत खेडेकर यांच्या चारचाकी वाहनाची निंबाच्या झाडाला धडक बसून, झालेल्या अपघातामध्ये चालक जखमी झाल्याची घटना ७ फेब्रुवारीला मध्यरात्री बुलडाणा रोडवरील यशोधामनजिक घडली.
आ. खेडेकर यांना घेण्याकरिता एमएच-२८-एजे-७७0७ या वाहनाद्वारे चालक गजानन कुल्ले मलकापूरकडे जात होता. दरम्यान, त्यांच्या वाहनाला अपघात घडला. या बाबीपासून अनभिज्ञ असलेले आमदार खेडेकर रेल्वे स्थानकावर उतरल्यानंतर चालक न दिसल्याने त्याच्या भ्रमणध्वनीवर संपर्क साधला; परंतु त्यांना कसलाच प्रतिसाद न मिळाल्याने ते अँड. साहेबराव सरदार यांच्या वाहनाने बुलडाण्याकडे रवाना झाले.
८ फेब्रुवारी रोजी पहाटे त्यांचे वाहन अपघातस्थळी क्षतिग्रस्त आढळून आले. याची माहिती मिळताच खा. प्रतापराव जाधव यांचे स्वीय सहायक डॉ. गोपाल डिके व शिवसेना तालुका प्रमुख विजय साठे यांनी घटनास्थळाकडे धाव घेत जखमी चालकास रुग्णालयात दाखल केले.