भरधाव कार झाडावर आदळली; दोन जागीच ठार
By लोकमत न्यूज नेटवर्क | Published: May 5, 2021 10:50 AM2021-05-05T10:50:33+5:302021-05-05T10:51:48+5:30
Accident News : नितीन जनार्दन सुरवाडे(२४) राहुल बाबुराव सुरवाडे(२४) अशी मृतांची नावे आहेत.
भरधाव कार झाडावर आदळली; दोन जागीच ठार
लोकमत न्युज नेटवर्क
बोरी अडगाव ता. खामगाव: भरधाव कार झाडावर आढळून झालेल्या अपघातात दोन जण जागीच ठार झाले. तर तिघे जखमी झाले. ही घटना मंगळवारी रात्री उशिरा खामगाव-बोरिअडगाव रस्त्यावरील आंबेटाकळी शिवारात घडली. नितीन जनार्दन सुरवाडे(२४) राहुल बाबुराव सुरवाडे(२४) अशी मृतांची नावे आहेत.
एम एच २८ एझेड ९४७५ या क्रमांकाच्या कारमधून ५जण प्रवास करीत होते. दरम्यान चालकाचे वाहनावरील नियंत्रण सुटल्याने भरधाव कार रस्त्याच्या कडेला असलेल्या कडुलिंबाच्या झाडावर जाऊन धडकली. त्यांनतर मागे फेकल्या जाऊन उलटली. या झालेल्या अपघातात गाडीबाहेर फेकल्या गेलेल्या दोघांचा जागीच मृत्यू झाला. नितीन जनार्दन सुरवाडे(२४) राहुल बाबुराव सुरवाडे(२४) अशी मृतांची नावे आहेत. तर संदीप तानाजी सुरवाडे, रोशन राजकुमार सुरवाडे, मंगेश नारायण सुरवाडे या तिघांना जखमी अवस्थेत खामगाव येथील एका खासगी रुग्णालयात भरती करण्यात आले.
