लग्न होत नसल्याने युवकाची आत्महत्या;

याप्रकरणी हिवरखेड पोलिसांनी आकस्मिक मृत्यूची नोंद केली आहे.

खामगाव : गेल्या दोन ते तीन वर्षांपासून लग्न जमत नसल्याने नैराश्यात गेलेल्या लाखनवाडा येथील २८ वर्षीय युवकाने बहिणीच्या नवीन घरात लोखंडी अँगलला गळफास लावून आत्महत्या केल्याची घटना शुक्रवारी सकाळी ६:१५ वाजताच्या दरम्यान घडली. याप्रकरणी हिवरखेड पोलिसांनी आकस्मिक मृत्यूची नोंद केली आहे.

याप्रकरणी लाखनवाडा बु. येथील मधुकर कृष्णाजी वाकाेडे यांनी पोलिसात माहिती दिली. त्यामध्ये मृतक अजय सोपान वाकाेडे याचे गेल्या दोन-तीन वर्षांपासून लग्न जुळत नव्हते. त्यामुळे नैराश्य आल्याने त्याने त्याची बहीण संध्या घोरपडे हिच्या नवीन बांधकाम झालेल्या घरात लोखंडी अँगलला गळफास घेतला.

ही घटना शुक्रवारी सकाळी ६:१५ वाजताच्या दरम्यान घडल्याचे म्हटले. पोलिसांनी आकस्मिक मृत्यूची नोंद केली. पुढील तपास आनंदा वाघमारे करीत आहेत.