शेतक-याची गळफास घेऊन आत्महत्या

चिखली-मेहकर रोडवरील एका शेतातील आंब्याच्या झाडाला गळफास घेऊन आत्महत्या.

चिखली(जि. बुलडाणा), दि. ३0- सिंदखेडराजा तालुक्यातील सवडत येथील ३८ वर्षीय तरूण शेतकर्‍याने चिखली-मेहकर रोडवरील एका शेतातील आंब्याच्या झाडाला गळफास घेऊन आत्महत्या केल्याची बाब ३0 मार्च रोजी सकाळी साडेनऊच्या सुमारास उघडकीस आली.
तुषार नारायण देशमुख वय ३८ वष्रे रा.सवडत ता.सिं.राजा असे आत्महत्या केलेल्या शेतकर्‍याचे नाव आहे. मेहकर फाटा नजिक चिखली मेहकर रोडवरील भालगाव येथील विजय नामदेव भगत यांच्या शेतातील आंब्याच्या झाडाला तुषार देशमुख याने गळफास घेऊन घेत आत्महत्या केल्याची बाब भानखेड पोलीस पाटील मिलिंद मधुकर इंगळे यांना समजताच त्यांनी घटनास्थळी दाखल होऊन याबाबत पोलिसांना माहिती दिली. दरम्यान, घटनास्थळी दाखल झालेल्या चिखली पोलिसांनी पंचनामा केला असता, मृत शेतकर्‍याच्या खिशात आढळून आलेल्या चिठ्ठीत ह्यमाझ्यावर पाच लाख रुपयांचे कर्ज असून, ते फेडण्यास असर्मथ ठरल्याने आत्महत्या करत आहेह्ण, असे तुषार देशमुख याने लिहून ठेवले आहे. दरम्यान, मृतदेह उत्तरीय तपासणीसाठी ग्रामीण रुग्णालयात हलविण्यात आला असून, याप्रकरणी र्मग दाखल करण्यात आला आहे.