स्वाभीमानीचे खामगावात तोंडकाळे आंदोलन

शासनाचा निषेध: स्वत:चे तोंड काळे करून लपविली तोंडे

लोकमत न्यूज नेटवर्क
खामगाव: शासनाच्या शेतकरी विरोधी धोरणाचा निषेध करीत स्वाभीमानी शेतकरी संघटनेच्यावतीने मंगळवारी खामगाव येथे तोंडकाळे आंदोलन करण्यात आले. या आंदोलनात स्वाभीमानीच्या पदाधिकाऱ्यांनी स्वत:चे तोंड काळे करून जनुना येथील रेणुका माता मंदिरात आश्रय घेतला.
शासनाने शेतकऱ्यांच्या समस्या न सोडविल्यास भविष्यात सरकारचेही तोंड काळे केल्याशिवाय गप्प बसणार नाही, असा इशारा स्वाभीमानीचे जिल्हाध्यक्ष कैलास फाटे यांनी यावेळी दिला. या आंदोलनात गिरधर देशमुख, अमोल राऊत, प्रकाश कोंडे, अनिल मिरगे, राजू नाकाडे, श्रीकृष्ण काकडे, विवेक पाटील, योगेश इंगळे, सोपान खंडारे, अमित तायडे, दिनकर म्हसने, संदीप चव्हाण, समाधान भातुरकर, दीपक देशमुख, जगन्नाथ इटनारे, आमीर शहा आदींचा सहभाग होता.