भीषण अपघात! भरधाव दुचाकी दुभाजकावर आदळली, युवक ठार

अकोला जिल्ह्यातील निपाणा येथील हर्षल माणिकराव इंगळे हा पुणे येथे इंजिनिअरिंग कॉलेजला शिकत होता. सणासुदीला सुटी असल्याने तो आपल्या दुचाकी क्रमांक एम.एच ३० बी.के ६३५३ ने गावाकडे जात हाेता

देऊळगाव राजा (बुलढाणा): भरधाव दुचाकी दुभाजकावर आदळल्याने युवक ठार झाला़ ही घटना ३० ऑगस्ट राेजी देऊळगाव राजा-चिखली मार्गावरील असाेला फाट्याजवळ घडला़ हर्षल माणिकराव इंगळे रा़ निपाणा जि. अकाेला असे मृत युवकाचे नाव आहे़

अकोला जिल्ह्यातील निपाणा येथील हर्षल माणिकराव इंगळे हा पुणे येथे इंजिनिअरिंग कॉलेजला शिकत होता. सणासुदीला सुटी असल्याने तो आपल्या दुचाकी क्रमांक एम.एच ३० बी.के ६३५३ ने गावाकडे जात हाेता. दरम्यान, देऊळगाव राजा येथे थांबून एका हॉटेलमध्ये हर्षलने जेवण केले व पुढील प्रवासासाठी निघाला़ चिखली मार्गावर दगडवाडी शिवारात असोला फाट्याच्या अलीकडे भरधाव दुचाकी दुभाजकावर धडकली. या अपघातात हर्षल इंगळे हा गंभीर जखमी झाला. अपघाताची माहिती मिळताच पाेलिसांनी घटनास्थळावर धाव घेतली़ तसेच गंभीर जखमी झालेल्या हर्षल इंगळे याला ग्रामीण रुग्णालयात हलविण्यात आले.दरम्यान गंभीर जखमी झालेल्या हर्षलला श्वास घेण्यास त्रास झाला डॉक्टरांनी श्वासनलिका लावून त्याला वाचविण्याचे अथक प्रयत्न केले. मात्र उपचारादरम्यान हर्षल इंगळे याचा मृत्यू झाला. याप्रकरणी पंजाब सीताराम इंगळे यांनी दिलेल्या फिर्यादीवरून स्वतःच्या मृत्यूस कारणीभूत ठरल्याप्रकरणी हर्षल इंगळे विरुद्ध गुन्हा दाखल करण्यात आला आहे़ पुढील तपास पोलीस हेडकॉन्स्टेबल केशव मुळे करीत आहेत.