ट्रॅक्टरखाली दबल्याने युवक जागीच ठार; चिखली तालुक्यातील बोरगाव काकडे येथील घटना

माहिती मिळताच अमडापूर पाेलिसांनी घटनास्थळावर धाव घेऊन पंचनामा केला व मृतदेह उत्तरीय तपासणीसाठी पाठविण्यात आला.

अमडापूर (बुलढाणा) : ट्रॅक्टर उलटून त्याखाली दबल्याने २५ वर्षीय युवकाचा मृत्यू झाला. ही घटना चिखली तालुक्यातील बाेरगाव काकडे येथे ४ एप्रिल राेजी घडली. सागर नारायण खंडागळे असे मृतक युवकाचे नाव आहे.

बाेरगाव काकडे येथील सागर खंडागळे हा युवक ४ एप्रिल राेजी ट्रॅक्टरने नांगरणी करीत हाेता. दरम्यान, त्याचे नियंत्रण सुटल्याने ट्रॅक्टर उलटून त्याखाली दबल्या गेल्याने त्याचा घटनास्थळीच मृत्यू झाला. माहिती मिळताच अमडापूर पाेलिसांनी घटनास्थळावर धाव घेऊन पंचनामा केला व मृतदेह उत्तरीय तपासणीसाठी पाठविण्यात आला. याप्रकरणी पुढील तपास ठाणेदार नागेश कुमार चतरकर यांच्या मार्गदर्शनाखाली अमडापूर पोलिस करीत आहे.