दोन ट्रकची समोरासमोर धडक, वाहक जागीच ठार, चालक जखमी

खामगाव नांदुरा रोडवरील आमसरी नजीकची घटना

अनिल गवई, लोकमत न्यूज नेटवर्क, खामगाव: भरधाव ट्रक अनियंत्रित होऊन दुसर्या बाजूने जात, विरूध्द दिशेने येणार्या ट्रकवर धडकला. या भीषण अपघातात दुसर्या ट्रकचा वाहक जागीच ठार झाला. राहुल अभिमान पवार २२ रा. कडोद्रा सुरत असे मृतकाचे नाव आहे. ही घटना सोमवारी पहाटे तीन वाजता दरम्यान खामगाव नांदुरा रस्त्यावरील आमसरी शिवारात घडली.

याबाबत सविस्तर असे की, मृतक वाहक जीजे ०४ एडब्लू ०२८० या क्रमांकाच्या ट्रकमधून नांदुराकडे जात होते. दरम्यान, त्याचवेळी अनियंत्रित होऊन विरूध्द दिशेने येत असलेल्या एमएच ४० बीएल ७५७२ क्रमांकाचा ट्रकने जबर धडक दिली. यात वाहकाचाघटनास्थळीच मृत्यू झाला. तर चालक गंभीर जखमी झाला. या घटनेनंतर अपघातास कारणीभूत असलेल्या ट्रकचा चालक घटनास्थळावरून फरार झाला. या अपघातामुळे खामगाव नांदुरा रोडवरील वाहतूक काही काळ विस्कळीत झाली होती. पुढील तपास जलंब पोलीस करीत आहेत.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"