जऊळका फाट्यावर अज्ञात वाहनाची दुचाकीस धडक, एक ठार, एक गंभीर

दुचाकीवरील दाेघेही गंभीर जखमी झाले़ त्यांना तातडीने सिंदखेडराजा येथील ग्रामीण रुग्णालयात दाखल करण्यात आले़.

जऊळका (बुलढाणा) : भरधाव अज्ञात वाहनाने दुचाकीस धडक दिल्याने एकजण जागीच ठार तर एकजण गंभीर जखमी झाला़ ही घटना १२ नाेव्हेंबर राेजी जऊळका फाट्यावर घडली़ गणेश निवृत्ती मसूरकर रा़ देऊळगाव बंडा ता़ रिसोड जि. वाशिम असे मृतकाचे नाव आहे़.

वाशिम जिल्ह्यातील देऊळगाव बंडा येथील गणेश निवृत्ती मसूरकर व त्यांचा भाचा अभिषेक गंगाराम माहूरकर रा. कडूळी ता. जि. हिंगोली हे दोघे छत्रपती संभाजीनगरमध्ये खासगी कंपनीत कामाला हाेते़ दिवाळीसाठी ते दुचाकी क्रमांक एमएच ३७ एई ६९९३ छत्रपती संभाजीनगर येथून आपल्या मूळ गावी जात हाेते़.

दरम्यान, जऊळका फाट्यावर त्यांच्या दुचाकीस अज्ञात वाहनाने जबर धडक दिली़ यामध्ये दुचाकीवरील दाेघेही गंभीर जखमी झाले़ त्यांना तातडीने सिंदखेडराजा येथील ग्रामीण रुग्णालयात दाखल करण्यात आले़ यावेळी डाॅक्टरांनी गणेश मसूरकर यांना मृत घाेषित केले़ या अपघातात गंभीर जखमी झालेल्या अभिषेक गंगाराम माहुरकर यांच्यावर छत्रपती संभाजीनगर येथे उपचार सुरू आहेत़ याप्रकरणी अद्यापपर्यंत पाेलिसात कुठल्याही गुन्ह्याची नाेंद करण्यात आलेली नाही़