दोन ट्रकचा अपघात; चालक जागीच ठार

रस्त्यावर उभ्या असलेल्या ट्रकला दुस-या ट्रकने धडक दिल्याने झालेल्या अपघातात एक जण ठार झाल्याची घटना २७ जुलैच्या रात्री घडली.

लोकमत न्यूज नेटवर्क
सिंदखेडराजा : रस्त्यावर उभ्या असलेल्या ट्रकला दुसºया ट्रकने धडक दिल्याने झालेल्या अपघातात एक जण ठार झाल्याची घटना २७ जुलैच्या रात्री घडली.
जालना येथून मेहकरकडे जाणारा एम.एच.२१ एक्स २१९१ क्रमांकाचा ट्रक २७ जुलैच्या रात्री दीड वाजता श्रीराम पेट्रोल पंपासमोर उभा करून चालक कयुब खान हकीम खान (वय ४६ वर्षे राहणार सिंदखेडराजा) हा हॉटेलवर जेवणाचा डबा आणावयास गेला. तेवढ्यात जालना येथून सावखेड तेजनकडे जात असलेला एम.एच.२१ एक्स. ५८६८ क्रमांकाचा ट्रक भरधाव वेगाने येऊन उभ्या असलेल्या ट्रकवर जोरात आदळला. या ट्रकच्या कॅबीनचा चुराडा झाला. यामध्ये ट्रकचालक समाधान भीमराव रणदिवे (वय ३० वर्ष रा.सावखेड) तेजन हा जागेवरच ठार झाला. त्याला जेसीबीच्या सहाय्याने कॅबीनच्या बाहेर काढण्यात आले. पुढील तपास पोलीस निरीक्षक बळीराम गीते यांच्या मार्गदर्शनाखाली एएसआय नंदलाल खार्डे करीत आहेत. कयुब खान यांच्या फिर्यादीवरून कलम ३०४, २७९, ३३७, ३३८ भादंविप्रमाणे गुन्हा दाखल करण्यात आला आहे.