वरली-मटका चालविणा-या महिलेस अटक

चिखली शहरातील २३ वर्षीय महिलेला अटक .

लोकमत न्यूज नेटवर्क
चिखली: शहरातील माळीपुरा भागात सुरू असलेल्या वरली-मटका अड्ड्यावर छापा टाकून वरली-मटका आकड्यांची हारजीत करणाऱ्या एका २३ वर्षीय महिलेला अटक केली आहे.
शहरातील वरली-मटका, जुगारस पायबंद लावण्यासाठी ठाणेदार महेंद्र देशमुख यांच्या मार्गदर्शनाखाली व गुप्त माहितीवरून महिला पोउपनि नीता गायकवाड, पोहेकॉ अशोक चाटे, नापोकॉ अजय शेगोकार, मपोकॉ ज्योती मुळे यांनी माळीपुरा भागात सापळा रचून चिठ्ठ्या लिहून वरली मटका आकड्याची हारजीत करणाऱ्या सज्जोबी हाफीज खान (वय २३ वर्षे) या महिलेस अटक केली असून, तिच्याजवळील रोख १ हजार ३२० रुपये, मोबाइल व इतर साहित्य असा एकूण २ हजार ३२५ रुपयांचा माल जप्त केले आहे. दरम्यान, या प्रकरणातील वरली-मटक्याचा उतारा घेणारा आरोपी शफो ऊर्फ शफीक कुरेशी हा फरार आहे.