वझर येथील तरुणाची गळफास घेऊन आत्महत्या

तरुणाने आत्महत्या केली आहे.

 खामगाव: तालुक्यातील गणेशपूर परिसरात असलेल्या वझर येथील 25 वर्षीय तरुणाने गळफास घेऊन आत्महत्या केल्याची घटना शनिवारी पहाटे उघडकीस आली.

शुभम संजय देशमुख (वय 25) असे आत्महत्या केलेल्या तरुणाचे नाव आहे. त्याच्या आई-वडिलांना तो एकुलता एक होता. रात्री कुटुंब झोपल्यानंतर त्याने घरात स्लॅबच्या 
लोखंडी कडीला दोरीच्या साह्याने गळफास घेतला. पहाटे त्याचे आई-वडील उठले असता, त्यांना ही बाब निदर्शनास आली. यानंतर पोलीस विभागाला माहिती देण्यात आली. यानंतर  त्याचा मृतदेह खामगाव येथील सामान्य रुग्णालयात शवविच्छेदनासाठी आणण्यात आला. 
सदर तरुणाच्या आत्महत्येमागील कारण कळू शकले नाही. 

 पुढील महिन्यात होणार होता विवाह!

आत्महत्या केलेल्या शुभम देशमुख याचा विवाह 6 जून रोजी होणार होता तर विशेष म्हणजे शनिवारी त्याच्या लग्नाचा कपडा खरेदी करण्याचे नियोजनही ठरले होते. अशा परिस्थितीत पहाटेच त्याच्या मृत्यूची वार्ता परिसरात पसरली. दरम्यान घरातल्या एकुलत्या एक मुलाने आत्महत्या केल्याने वझर परिसरात हळहळ व्यक्त करण्यात येत आहे.
दुपारपर्यंत याप्रकरणी गुन्हा दाखल झाला नव्हता.