जिल्हा परिषद सभापती पद : तीन भाजप, एक राष्ट्रवादीच्या वाट्याला

बुलडाणा जि.प. सभापती पदाची निवडणूक ५ एप्रिल रोजी पार पडली. यामध्ये भाजपच्या वाट्याला तीन, तर राष्ट्रवादीच्या वाट्याला एक सभापती पद आले आहे.

बुलडाणा: मिनीमंत्रालय म्हणून ओळख असलेल्या बुलडाणा जिल्हा परिषदेच्या सभापती पदाची निवडणूक ५ एप्रिल रोजी येथील शिवाजी सभागृहात पार पडली. यामध्ये सत्तेच्या वाटाघाटी फॉर्म्युल्यानुसार भाजपाच्या वाट्याला तिन व राष्ट्रवादीच्या वाट्याला एक सभापती पद आले आहे.
त्यामध्ये अर्थ, बांधकाम, महिला-बालकल्याण व समाज कल्याण विभागाचे सभापतीपद भाजपाच्या वाट्याला, तर आरोग्य व पशुसंवर्धन सभापतीपद राष्ट्रवादीच्या वाट्याला आले आहे. दोन सभापती घाटावरील, तर दोन सभापती घाटाखालील आहेत. दिनकर बापू देशमुख यांना कृषी व पशुसंवर्धन, श्वेताताई महाले यांना महिला-बालकल्याण, तर राजेंद्र उमाळे यांना अर्थ व बांधकाम सभापतीपद मिळाले आहे.