जिल्ह्यात १० जण कोरोनामुक्त

चंद्रपूर : जिल्ह्यात मागील २४ तासात १० जणांनी कोरोनावर मात केल्याने त्यांना रुग्णालयातून सुटी देण्यात आली. तसेच दोन जण नव्याने पॉझिटिव्ह आले आहेत. जिल्ह्यात सोमवारी एकाही बाधिताचा मृत्यू झाला नाही.

बाधित आलेल्या दोन रुग्णांमध्ये चंद्रपूर महानगरपालिका क्षेत्रातील एक, चिमूरमधील एकाचा समावेश आहे.

चंद्रपूर तालुका, बल्लारपूर, भद्रावती, ब्रह्मपुरी, नागभीड, सिंदेवाही, मूल, सावली, पोंभुर्णा, गोंडपिपरी, राजुरा, वरोरा, कोरपना, जिवती तालुक्यातील एकाही रुग्णाचा समावेश नाही.

जिल्ह्यात आतापर्यंत एकूण बाधितांची संख्या ८८ हजार ६६८ वर पोहोचली आहे. तसेच सुरुवातीपासून आतापर्यंत बरे झालेल्यांची संख्या ८७ हजार ८६ झाली आहे. सध्या ४२ बाधितांवर उपचार सुरू आहेत. आतापर्यंत ६ लाख ७९ हजार ९९२ नमुन्यांची तपासणी करण्यात आली असून, त्यापैकी ५ लाख ८९ हजार ८१६ नमुने निगेटिव्ह आले आहेत. जिल्ह्यात आतापर्यंत १ हजार ५४० बाधितांचे मृत्यू झाले आहे.