२२ हजार २९२ जणांची कोरोनावर मात

जिल्ह्यात आतापर्यंत बाधितांची संख्या २२ हजार ८९२ वर पोहोचली आहे. सध्या १२७ बाधितांवर उपचार सुरू आहेत. जिल्ह्यात एक लाख ९० हजार ६३९ नमुन्यांची तपासणी करण्यात आली. त्यापैकी एक लाख ६६ हजार ७३ नमुने निगेटिव्ह आले आहेत.

जिल्ह्यात आतापर्यंत ३८३ बाधितांचे मृत्यू झाले. यापैकी जिल्ह्यातील ३४७, तेलंगणा एक, बुलडाणा एक, गडचिरोली १९, यवतमाळ एक, भंडारा एक आणि वर्धा येथील एका बाधिताचा समावेश आहे. आज बाधित आढळलेल्या २१ रुग्णांमध्ये चंद्रपूर मनपा क्षेत्रातील सात, चंद्रपूर तालुका एक, बल्लारपूर एक, भद्रावती आठ, चिमूर एक, कोरपना दोन व इतर ठिकाणच्या एका रुग्णाचा समावेश आहे. कोरोना आजार गेला नाही. त्यामुळे नागरिकांनी स्वत:च्या आरोग्याबाबत जागरूक राहावे, बाहेर निघताना नियमितपणे मास्कचा वापर करावा, वेळोवेळी हात स्वच्छ करावेत व प्रशासनाने घालून दिलेल्या नियमांचे पालन करावे, असे आवाहन जिल्हाधिकारी अजय गुल्हाने यांनी केले आहे.