८३ हजार कोरोनामुक्त; १४ नवीन रूग्ण आढळले

बाधित आढळलेल्या १४ रूग्णांमध्ये चंद्रपूर मनपा क्षेत्रात ४, चंद्रपूर तालुका २, बल्लारपूर २, भद्रावती १, मूल १, सावली १, राजूरा १, वरोरा १ व अन्य ठिकाणतील एका रुग्णाचा समावेश आहे. ब्रह्मपुरी, नागभीड, सिंदेवाही, चिमूर, कोरपना, जिवती, पोंभूर्णा व गोंडपिपरी तालुक्यात एकही रुग्ण आढळला नाही. बाधितांची संख्या ८५ हजार ५ वर पोहोचली आहे. आतापर्यंत बरे झालेल्यांची संख्या ८३ हजार ४०२ झाली आहे. सध्या ६८ बाधितांवर उपचार सुरू आहेत. आतापर्यंत ६ लाख १३ हजार ८२७ नमुन्यांची तपासणी करण्यात आली. त्यापैकी ५ लाख २५ हजार ४४६ नमुने निगेटिव्ह आले आहेत. आतापर्यंत १५३४ बाधितांचे मृत्यू झाले आहेत. नागरिकांनी कोरोना पूर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षित अंतर राखणे या त्रिसूत्रीचा नियमित वापर करून जवळच्या केंद्रावरून कोरोनाची लस घ्यावी व प्रशासनाने दिलेल्या सूचनांचे पालन करावे, असे आवाहन जिल्हाधिकारी अजय गुल्हाने यांनी केले आहे.