घुग्घुस-चंद्रपूर मार्गावर अपघात

घुग्घुस-चंद्रपूर मार्गावरील हिंदुस्तान पेट्रोलियम पंपनजीक कोळसा वाहून नेणाऱ्याएका भरधाव ट्रकने दुचाकीला चिरडले.

 ट्रकने दुचाकीला उडविले : दुचाकीस्वाराचा जागीच मृत्यू
लोकमत न्यूज नेटवर्क
घुग्घुस : घुग्घुस-चंद्रपूर मार्गावरील हिंदुस्तान पेट्रोलियम पंपनजीक कोळसा वाहून नेणाऱ्याएका भरधाव ट्रकने दुचाकीला चिरडले. त्यात दुचाकी चालक जागीच ठार झाला. विजय राज सिंग (५४) रा.भालर टाऊनशीप असे मृताचे नाव आहे. सदर अपघात बुधवारी दुपारी ३.५० वाजताच्या दरम्यान घडला.
सदर रस्त्यावरील पेट्रोल पंपवरून पेट्रोल भरून आपल्या ओआर १९ एफ ६६३८ या क्रमांकाच्या दुचाकीने जात असताना मागून भरधाव येणाऱ्या ए.सी.एस. ट्रान्सपोर्टच्या कोळसा भरलेला ट्रक क्र. एमएच ४० २२४६ ने दुचाकीला चिरडले. त्यात दुचाकी चालकाचा जागीच मृत्यू झाला. तर ट्रक रस्त्याच्या खाली उतरला. चालक घटनास्थळी ट्रक सोडून पसार झाला. मृतक वेकोलि उकणी कोळसा खाणीत कार्यरत होता.