हत्या प्रकरणातील आरोपीला न्यायालयीन कोठडी

नागभीड (चंद्रपूर) : भरदिवसा घरात घुसून विवाहित प्रेयसीची गळा चिरून हत्या करणाऱ्या त्या आरोपीला न्यायालयाने न्यायालयीन कोठडी सुनावली आहे.

नागभीड येथील पूजा निलकुमार बागडे रा. नागभीड (२७) (पूजा रवींद्र सलामे) या विवाहित महिलेची तिचा प्रियकर विवेक ब्रह्मदास चौधरी (२५) रा. चिखलपरसोडी या युवकाने ती राहत असलेल्या घरी जाऊन धारदार चाकूने तिचा गळा चिरून हत्या केली. या घटनेने संपूर्ण तालुक्यात चांगलीच खळबळ उडाली होती. यानंतर घटनेच्या काही वेळातच आरोपी विवेक चौधरी याने स्वतःच पोलिसांसमोर हजर होऊन आत्मसमर्पण करून गुन्ह्याची कबुली दिली. नागभीड पोलिसांनी त्याच्याविरोधात भादंविच्या कलम ३०२,४५२ व अन्य कलमान्वये गुन्हा दाखल करून अटक केली होती. या आरोपीला न्यायालयासमोर उभे केले असता न्यायालयीन कोठडी सुनावली.