विविध समस्या सोडविण्यासाठी खासदारांना साकडे

नागभीड तालुक्यातील वलनी व चिखलगाव येथील सिमेंट रस्ते, नाली बांधकाम, पांदन रस्ते, स्मशानभूमीकडे जाणारा रस्ता, सौंदर्यीकरण, वलनी येथील प्रधानमंत्री आवास योजनेंतर्गत घरकूल बांधकामांना मंजुरी देऊन घरांना स्थायी स्वरूपात पट्टे मिळवून देणे, तलाव दुरुस्तीच्या व गावातील अनेक विकासकामांच्या समस्यांसंबंधी खासदार नेते यांच्याशी चर्चा करून, समस्यांविषयी अवगत केले. शिष्टमंडळाने निवेदन सादर केले. दरम्यान, खासदारांनी खनिज विकास निधी, विविध शासनाचे निधी, खासदार निधीअंतर्गत निधी मंजूर करून, वलनी व चिखलगाव या दोन्ही गावांचा विकास घडवून आणू, असे शिष्टमंडळाला आश्वासन दिले. यावेळी शिष्टमंडळात माजी भाजप नागभीड तालुका अध्यक्ष तथा ग्रा.पं. सदस्य होमदेव मेश्राम, सरपंच सीताराम मडावी, सरपंच अनिल बोरकर, उपसरपंच प्रकाश सुरपाम आदींची उपस्थिती होती.