भद्रावतीत लोकसंख्या दिनानिमित्त जनजागृती अभियान

भद्रावती : आयएमए चंद्रपूर, रोटरी क्लब भद्रावती, बॅडमिंटन असोसिएशन भद्रावती आणि चंद्रपूर ऑफस्टॅटिक्स व गायनाकॉलॉजिस्ट सोसायटी भद्रावती यांच्या संयुक्त विद्यमाने जागतिक लोकसंख्या दिनानिमित्ताने जनजागृती अभियान कार्यक्रमाचे आयोजन करण्यात आले होते.

कार्यक्रमाला आयएमए चंद्रपूरचे अध्यक्ष डॉक्टर मंगेश गुलवाडे, भद्रावती रोटरी क्लबचे माजी अध्यक्ष विनोद कामडी, या वर्षाचे अध्यक्ष सचिन सरपटवार, बॅडमिंटन असोसिएशनचे अध्यक्ष अविनाश सिद्धमशेट्टीवार, डॉ. विवेक शिंदे, डॉ. माला प्रेमचंद, नगराध्यक्ष अनिल धानोरकर, तहसीलदार महेश शितोळे, डॉ. मनिषा घाटे, मुख्याधिकारी सूर्यकांत पिदूरकर, चंद्रपूर ऑफ स्टॅटिस्टिक्स ॲन्ड गायनॉकालॉजी सोसायटीच्या सचिव डॉ. प्रिया शिंदे आदी उपस्थित होते.

जनजागृतीच्या दृष्टीने आयएमए चंद्रपूरचे सदस्य याठिकाणी आले होते. भारताची वाढत असलेली लोकसंख्याही चिंताजनक असून, यावर नियंत्रण मिळविणे आवश्यक आहे. यासाठी जनजागृती करणे गरजेचे असल्याचे मत उपस्थितांनी यावेळी व्यक्त केले.

कार्यक्रमाप्रसंगी पोलीस निरीक्षक सुधीर वर्मा, भाविक तेलंग, प्रदीप बंग, डॉ. वैद्य, डॉ. साळवे, डॉ. अमित प्रेमचंद, डॉ. विपीन पालीवाल तसेच चारही संघटनांचे पदाधिकारी प्रमुख्याने उपस्थित होते. संचालन सचिन सरपटवार यांनी केले.

130721\img-20210711-wa0000.jpg

फोटो