कॅप्सूल ट्रकची चार वाहनांना धडक

येथील नागपूर रस्त्यावरील जनता कॉलेज चौक परिसरात अनियंत्रित कॅप्सुल ट्रकने सिग्नलवर थांबून असलेल्या तीन दुचाकी तथा एका आॅटोला धडक दिली. या अपघात तीन जण किरकोळ जखमी झाले. सदर घटना बुधवारी सकाळी ११ वाजताच्या दरम्यान घडली.

ठळक मुद्देजनता कॉलेजजवळील घटना

लोकमत न्यूज नेटवर्क
चंद्रपूर : येथील नागपूर रस्त्यावरील जनता कॉलेज चौक परिसरात अनियंत्रित कॅप्सुल ट्रकने सिग्नलवर थांबून असलेल्या तीन दुचाकी तथा एका आॅटोला धडक दिली. या अपघात तीन जण किरकोळ जखमी झाले. सदर घटना बुधवारी सकाळी ११ वाजताच्या दरम्यान घडली. सुदैवाने मोठी प्राणहानी टळली.
जैन ट्रान्सपोर्ट कंपनीचा कप्सुल ट्रकचा (क्रमांक एमएच ३१ एलक्यू ४५५५) चालक इस्माईल शेख(२७) हा चंद्रपूर येथून वरोरा येथे फ्लायअ‍ॅश घेऊन जात होता. जनता कॉलेज चौकामध्ये सिग्नलवर मोठ्या प्रमाणात जाणारे वाहनधारक थांबून होते. दरम्यान, ट्रक चालकाचे नियंत्रण सुटले आणि सिग्नलवर असलेल्या आॅटोला मागून धडक दिली. त्यानंतर तीन दुचाकीला धडक दिली. ट्रक अंगावर येत असल्याचे बघून अनेकांनी पळापळ केली. घटनेनंतर ट्रक चालक पळून गेला. सकाळी ११ वाजता या चौकामध्ये कॉलेजचे विद्यार्थी तसेच प्रवाशांची मोठी गर्दी असते. मात्र आज सुदैवाने मोठी दुर्घटना टळली.