घरावर झेंडे लावून भाजपचा स्थापना दिन साजरा

चंद्रपूर : भाजप स्थापना दिनाच्या वर्धापन दिनानिमित्त चंद्रपूर येथे माजी केंद्रीय गृहराज्यमंत्री हंसराज अहीर यांच्या प्रमुख उपस्थितीत भाजप पदाधिकारी, कार्यकर्ते, नगरसेवकांनी आपल्या घरावर भाजपचा झेंडा लावून भाजपचा स्थापना दिन साजरा केला.

महानगरातील बाजार मंडळ, तुकूम मंडळी, बंगाली कॅम्प मंडळ, सिव्हिल मंडळ, बाबुपेठ या पाचही मंडळात तसेच विविध प्रभागांत माजी केंद्रीय गृहराज्यमंत्री हंसराज अहीर व पदाधिकाऱ्यांनी भारतमातेच्या प्रतिमेचे पूजन करून घरावर झेंडे लावले. या वेळी माजी उपमहापौर अंजली घोटेकर, राजू घरोटे, बाजार मंडळाचे अध्यक्ष सचिन कोतपल्लीवार, तुकूम विठ्ठल डुकरे, रवी लोणकर, संदीप कालावे, मनपा सभापती शीतल गुरनुले, नगरसेवक प्रशांत चौधरीश संदीप कीरमे, अंकुश सावसाकडे, नगरसेविका संगीता खांडेकर, नगरसेविका वंदना तिखे, शीला चव्हाण यांच्यासह अनेकांची उपस्थिती होती.

बॉक्स

ग्रामीण भागातही वर्धापन दिन साजरा

फोटो : घरावर झेंडा लावताना तालुका अध्यक्ष अनिल डोंगरे.

चंद्रपूर : भारतीय जनता पक्ष (ग्रामीण) चंद्रपूरच्या वतीने माजी अर्थमंत्री आमदार सुधीर मुनगंटीवार, माजी केंद्रीय गृहराज्यमंत्री हंसराज अहीर यांच्या नेतृत्वात जिल्हा परिषदेचे माजी अध्यक्ष तथा भाजप ग्रामीण जिल्हाध्यक्ष देवराव भोंगळे, जिल्हा महामंत्री नामदेव डाहुले यांच्या मार्गदर्शनात चंद्रपूर तालुका ग्रामीण येथील भारतीय जनता पक्षाच्या प्रमुख पदाधिकाऱ्यांनी आपल्या घरावर भारतीय जनता पक्षाचा ध्वज फडकावून भारतीय जनता पक्षाचा ४१वा वर्धापन दिन साजरा केला. हा उपक्रम साखरवाई, विचोडा, छोटा नागपूर, पडोली, दाताळा, चिचाडा, वांढरी, खुटाळा, यशवंतनगर, नकोडा, मार्डा, जिल्हा परिषद क्षेत्रातील इतर गावांतील प्रमुख पदाधिकारी, कार्यकर्त्यांनी स्वत:च्या घरावर पक्षाचा झेंडा लावून वर्धापन दिन साजरा केला. भा. ज. यु. मोर्चाचे तालुकाध्यक्ष अनिल डोंगरे यांनी आभार मानले.