कुत्र्याच्या हल्ल्यात चितळाचा मृत्यू

गोंडपिपरी : गावात आलेल्या चितळावर कुत्र्यांनी हल्ला केला. या हल्ल्यात चितळ जखमी झाले. जखमी चितळाला पशुवैद्यकीय रुग्णालयात उपचारासाठी हलविण्यात आले. मात्र उपचारादरम्यान चितळाचा मृत्यू झाला. ही घटना गोंडपिपरी येथे सायंकाळचा सुमारास घडली.

गोंडपिपरी तालुक्याला जंगलाने वेढले आहे. सोमवारी सायंकाळच्या सुमारास गोंडपिपरी शहरात भरकटलेले चितळ आले. चितळाला बघून गावातील मोकाट कुत्र्यांनी पाठलाग केला. चितळावर मोकाट कुत्र्यांनी हल्ला केला. या हल्ल्यात चितळ गंभीर जखमी झाले. घटनेची माहिती मिळताच वनकर्मचाऱ्यांनी घटनास्थळ गाठले. जखमी चितळाला पशुवैद्यकीय रुग्णालय गोंडपिपरी येथे हलविण्यात आले. उपचारादरम्यान चितळाचा मृत्यू झाला. ही घटना महावितरण कार्यालयानजीक घडली. गावातील मोकाट कुत्र्यांच्या हल्ल्यात अनेक वन्यजीव ठार झाल्याच्या घटना गोंडपिपरी तालुक्यात घडल्या आहेत.