पेट्रोल, डिझेल दरवाढीविरोधात काँग्रेसची सायकल रॅली

बल्लारपूर: केंद्र सरकारच्या विरोधात व पेट्रोल, डिझेलच्या दरवाढीच्या निषेधार्थ पालकमंत्री विजय वडेट्टीवार, खासदार बाळू धानोरकर व कॉंग्रेसचे चंद्रपूर ग्रामीण जिल्हा अध्यक्ष प्रकाश देवतळे यांच्या मार्गदर्शनात बल्लारपूर शहर काँग्रेस कमिटीतर्फे शनिवारी काटा गेट डब्लूसीएल येथून कोतपल्लीवार पेट्रोल पंपपर्यंत सायकल रॅलीचे आयोजन करण्यात आले.

सायकल रॅलीदरम्यान केंद्र सरकारच्या विरोधात घोषणा देण्यात आल्या. पेट्रोल पंपवर येणाऱ्या ग्राहकांना पेट्रोलने शंभरी पार केल्याबद्दल पुष्प व मास्क देण्यात आले. या कार्यक्रमात महाराष्ट्र प्रदेश काँग्रेस कमिटीच्या सदस्य डॉ. रजनी हजारे, घनश्याम मूलचंदानी, बल्लारपूर शहर काँग्रेसचे अध्यक्ष अब्दुल करीम, महिला तालुका अध्यक्ष अफसाना सय्यद, महिला शहर अध्यक्ष ॲड. मेघा भाले, नगर सेवक भास्कर माकोडे, नगर सेवक पवन मेश्राम, दिलीप माकोडे, छाया मडावी, माजी गटनेता देवेंद्र आर्या, ईस्माइल ढाकवाला, नरसिंग रेब्बावार, डेविड काम्पेल्ली, राजू बहूरिया, दौलत बुंदेल, कासीम शेख आदी उपस्थित होते.

100721\1351-img-20210710-wa0004.jpg

पेट्रोल डिझेल दर वाढी विरोधात काँग्रेसची सायकल रॅली