पेंटिंग बोर्डची मागणी घटली, पेंटर झाले बेरोजगार

अनवर खान

पाटण : सांस्कृतिक अथवा राजकीय लग्न समारंभ आदी प्रसंगी पेंटींग बोर्ड बनविण्याची प्रथा सध्याचा डिजिटल युगात मोडीत निघत आहे. अनेक शहरात अथवा गावात बाजारपेठेत मागील अनेक वर्षांपासून पेंटिंग व्यवसायाचे काम करणाऱ्यांवर उपासमारीची वेळ आली आहे. शासनाने अनेक घटकांना मदतीचा हात दिला असला तरी पेंटर मात्र मदतीपासून वंचितच आहेत.

गेल्या काही वर्षांपासून डिजिटल युग आल्याने पेंटिंग बोर्डची मागणी घटली आहे. गावागावात व शहरात पेंटिंग व्यवसाय मोठ्या प्रमाणात सुरू होता व पेंटरांनासुद्धा व्यवसाय करण्यास परवडत होते. मात्र डिजिटल फलक, बॅनर आल्यामुळे पेंटिंग व्यवसाय करणाऱ्यावर उपासमारीची वेळ आली आहे. यातूनच काम मिळाले तरी योग्य मोबदला मिळत नसल्यामुळे पेंटिंगचा व्यवसाय सोडून दुसरे काम हाती घेणा-याची संख्या मोठ्या प्रमाणात वाढली आहे. डिजिटल बोर्ड आकर्षक व स्वस्त असेल तरी त्याचे आयुष्य कमी आहे. पेंटर जे बोर्ड हाताने रेखाटतात ते फार दिवस टिकून राहते. मात्र लोकांना हे कळत नाही. आज ना उद्या हे लोकांना हे कळेल आणि पुन्हा आमच्या व्यवसायाला सोन्याचे दिवस येतील, असा विश्वास काही पेंटर व्यक्त करतात.

कोट

डिजिटल युगात पेंटिंगचे काम फारच कमी झाले आहे. याचा आमच्या व्यवसायावर मोठा विपरित परिणाम झाला असून उपासमारीची संकट आले आहे.

-दीपक पवार, पेंटर, पाटण

230921\img_20210923_080039.jpg

पाटण येथील पेंटर दीपक पवार पेंटींग करताना