उपक्रमशील शेतकरी गणेश भोयर यांचा सत्कार

चंद्रपूर : रंजन सामाजिक संस्था, चंद्रपूरतर्फे चंद्रपूर तालुक्यातील शिवणी चोर येथील उपक्रमशील शेतकरी गणेश भोयर यांचा डॉ. नंदकिशोर मैंदळकर यांच्या हस्ते मानचिन्ह देऊन सत्कार करण्यात आला. कार्यक्रमाला सुदर्शन नैताम, बाळकृष्ण भोयर, सुनील भोयर, मारोती भोयर, राजकुमार सूर, कुणाल पहानपटे, गौरव भोयर, मयूर भोयर, गौरव आक्केवार, सचिन बरबटकर, गंगाधर गुरनुले, नितीन चांदेकर उपस्थित होते.

आजच्या काळात सुशिक्षित युवा वर्ग जेथे नोकरीला प्राधान्य देतो. कमी वेतनावर कोणतीही नोकरी करायला तयार असतो. मात्र, अख्ख्या जगाची भूक शमविण्याची क्षमता ज्यात आहे अशा शेती व्यवसायाकडे युवावर्गाने पाठ फिरवली आहे. असे असतानाच शिवनी चोर येथील गणेश भोयर यांनी शिक्षण पूर्ण करून शेती व्यवसायाची निवड केली आहे. भोयर यांनी सुभाष पाळेकर यांचे विषमुक्त शेतीचे निवासी शिबिर पूर्ण केले व मिळविलेल्या ज्ञानाचा अवलंब आपल्या शेतीत करण्याचे ठरविले आहे.