वाहतूक व विपणन परिसरात आग लावणे सुरूच...

बल्लारपूर येथील वाहतूक व विपणन काष्ट भांडार परिसरात शुक्रवारी जमा केलेल्या कचऱ्याला लावलेली आग परिसरात पसरली होती. यानंतरही कचरा जाळणे सुरूच आहे. शनिवारी काही कर्मचारी कचरा जमा करून आग लावत होते.

एकेकाळी सागवानच्या लाकडासाठी प्रसिद्ध असलेल्या वाहतूक व विपणन विभागात लाकडाचा साठा कमी झाला आहे. यामुळे जिकडे तिकडे मैदानात पडलेला झाडांचा कचरा जमा करून त्याला जाळण्याचे काम वनखात्याचे कर्मचारी करीत आहे. परंतु वसंत ऋतूचे वारे वाहू लागल्याने शुक्रवारी ही आग वाऱ्याने भडकून पसरली हाेती. ती विझविण्यासाठी वनखात्याकडे फारशी व्यवस्था नसल्यामुळे बाहेरच्या यंत्रणेची सहाय्यता घ्यावी लागली तरीही कचरा जाळणे सुरूच आहे. (छाया : मंगल जीवने)