रामाळा तलावासाठी खनिज विकासमधून निधी द्यावा

रामाळा तलाव चंद्रपूर शहराच्या मध्यभागी आहे. तलावालगत वसाहती असल्यामुळे सांडपाण्यामुळे प्रदूषित झाला. या तलावातील पाण्यामुळे शहरातील भूमिगत पाण्याची पातळी वाढते. शहरालगत इरई व झरपट नद्या वाहतात. दोन्ही नद्यांमुळे शहरातील पाच लाख लोकसंख्येला उन्हाळ्यात पाण्याची टंचाई भासत नाही. त्यामुळे इको-प्रोने आंदोलन सुरू केले. पर्यावरण राज्यमंत्र्यांनी व्हीसीद्वारे या आंदोलनाची दखल घेतली. जिल्हाधिकारी, मुख्य कार्यपालन अधिकारी, मनपा आयुक्त, प्रदूषण नियंत्रण मंडळाचे अधिकारी व इको-प्रो संस्थेचे अध्यक्ष बंडू धोतरे यांच्याशी चर्चा केली. रामाळा तलाव प्रदूषणमुक्त व सौंदर्यीकरण करण्याकरिता प्रस्ताव सादर करण्याचे निर्देश जिल्हाधिकाऱ्यांना दिले. त्यामुळे रामाळा तलाव व दोन्ही नद्यांसाठी जिल्हा खनिजला निधी उपलब्ध करून देण्याची मागणी माजी खासदार नरेश पुगलिया यांनी मुख्यमंत्र्यांकडे केली आहे.