वेळेत घरकुल बांधणाऱ्या लाभार्थ्यांचा सत्कार

नागभीड : महाआवास योजनेंतर्गत ११ नोव्हेंबर २०२० ते ५ जून २०२१ या कालावधीत उत्कृष्ट काम करणाऱ्या घरकुल लाभार्थ्यांना पुरस्कार देऊन सन्मानित करण्यात आले. पंचायत समिती नागभीडच्या सभागृहात मंगळवारी हा कार्यक्रम पार पडला.

कार्यक्रमास प्रमुख अतिथी म्हणून आमदार कीर्तीकुमार भांगडिया, जि. प. सदस्य संजय गजपुरे, नगराध्यक्ष उमाजी हिरे, उपसभापती रागिणी गुरुपुडे, पंचायत समिती सदस्य संतोष रडके, सुषमा खामदेवे, प्रभारी गटविकास अधिकारी संजय पुरी, न. प.चे उपाध्यक्ष गणेश तर्वेकर, कृउबासचे सभापती अवेश पठाण, सरपंच संघटनेचे अध्यक्ष कमलाकर ठवरे यांची उपस्थिती होती. यावेळी केंद्र पुरस्कृत योजनेत नवेगाव पांडवचे यशवंत नखाते, वासाळा मेंढाचे रामेश्वर गायकवाड, मांगलीचे वामन नवघडे यांच्यासह कोजबी माल, नवेगाव हुंडेश्वरी, येनोली माल या ग्रामपंचायतींना, तर राज्य पुरस्कृत योजनेत मिंडाळ्याचे मोहन चौधरी, बाळापूर खुर्दचे शिलवंत सोनटक्के, खडकीचे अरविंद नैताम यांच्यासह उश्राळ मेंढा, आलेवाही, किरमिटी मेंढा या ग्रामपंचायतींना सन्मानित करण्यात आले. संचालन विस्तार अधिकारी आर. डी. धुर्वे, तर आभार विस्तार अधिकारी श्वेता राऊत यांनी मानले. तालुका समन्वयक हिरा गजभिये, गृहनिर्माण अभियंता शुभम भडके, डॉटा ऑपरेटर राजू बावणे यांची यावेळी उपस्थिती होती.

240821\1651-img-20210824-wa0046.jpg

सत्कार करतांना आमदार भांगडिया , गटविकास अधिकारी संजय पुरी