इनरव्हील क्लबतर्फे सुदृढ आरोग्यावर मार्गदर्शन

चंद्रपूर : इनरव्हील क्लब ऑफ स्मार्ट सिटीच्या वतीने स्थानिक न्यू इंग्लिश हायस्कूल व कनिष्ठ महाविद्यालयात सुदृढ आरोग्य व स्वच्छतेवर मार्गदर्शन करण्यात आले. यामध्ये २०० विद्यार्थिनीसह १० शिक्षक सहभागी झाले होते. यावेळी मार्गदर्शक म्हणून क्लबच्या डिस्ट्रिक्ट ॲडिटर रमा गर्ग तर प्रमुख पाहुणे म्हणून क्लबच्या पीडीसी विद्या बांगडे, क्लबच्या अध्यक्ष पूनम कपूर, दुर्गा पोटूदे उपस्थित होत्या. यावेळी मार्गदर्शन करताना रमा गर्ग म्हणाल्या, आपले आरोग्य सुरळीत असेल तर आपण मानसिक व शारीरिकरीत्या सुदृढ असतो. आपल्या वैयक्तिक जीवनात स्वच्छता अत्यंत महत्त्वाची असल्याचे सांगितले तसेच व्यसनापासून दूर राहण्याचा सल्ला दिला. यावेळी उपस्थित पाहुण्यांनी मार्गदर्शन केले. त्यानंतर विद्यार्थिनींना सॅनिटरी नॅपकिन्सचे वितरण करण्यात आले. यावेळी क्लबचे पदाधिकारी व सदस्य मोठ्या संख्येने उपस्थित होते.