सरपंच, उपसरपंचांना मानधन, सदस्यांना केवळ चहापान

चंद्रपूर : ग्रामपंचायतीचे कामकाज पाहून गाव चालविणाऱ्या सरपंच आणि उपसरपंचांना लोकसंख्येच्या आधारावर मानधन दिले जाते. हे मानधन सदस्यांना मात्र मिळत नाही. त्यामुळे सरपंच, उपसरपंचांना असलेले मानधन वाढवून इतर सदस्यांनाही काही प्रमाणात मानधन द्यावे, अशी मागणी आता सदस्यांकडून केली जात आहे. विशेष म्हणजे, इतर सदस्यांना केवळ बैठक भत्ता देऊन मोकळे केले जात आहे.

ग्रामपंचायत सदस्यांना पूर्वी बैठक भत्ता केवळ २५ रुपये मिळत होता. आता त्यात वाढ करण्यात आली आहे. मात्र मानधन नसल्याने सदस्यांना बैठक भत्ता आणि चहापानावरच समाधान मानावे लागते. महागाई सातत्याने वाढत आहे. त्यामुळे सरपंचांचे मानधन वाढवून इतर सदस्यांनाही त्याचा लाभ देण्याची मागणी आता होऊ लागली आहे.सरपंचाना ७५ टक्के मानधन तरतुदीमधून दिले जाते तर २५ टक्के रक्कम ग्रामपंचायतीचे उत्पन्नातून दिले जाते. मात्र ग्रामपंचायतीचे उत्पन्न कमी राहत असल्याने त्यांना मानधन मिळण्यासाठी अनेक अडचणींचा सामना करावा लागतो. त्यामुळे शासनाने थेट सरपंच सदस्यांना मानधन देणे गरजेचे आहे.

मानधन

३०००० ते ५०००

लोकसंख्यानिहाय ग्रामपंचायती सरपंच मानधन उपसरपंच मानधन

० ते २००० ३०००रु. १००० रु.

२००१ ते ८००० ४००० रु. १५०० रु.

८ हजारांहून जास्त ५०००रु. २००० रु.

--

निवडून आलेल्या सदस्यांना २०० ते ३०० रुपये बैठक भत्ता आणि चहापाणी एवढ्यावरच समाधान मानावे लागते.

--

६२९

निवडणुका झालेल्या ग्रामपंचायती

४१९१

निवडून आलेले सदस्य

८२४

सरपंच

---

कोट

सरपंच काय म्हणतात...

सरपंचांना किमान दहा हजार तसेच उपसरपंच तसेच इतर सदस्यांनाही दरमहा मानधन देण्याची तरतूद करावी. सध्या सरपंच, उपसरपंचांना लोकसंख्या तसेच निधीच्या उपलब्धतेनुसार मानधन दिल्या जाते. त्यामुळे कुठे कमी तर कुठे जास्त असा भेदभाव होतो. त्यामुळे सरपंचाना दहा हजार तसेच इतर सदस्यांनाही मानधन जाहीर करावे.

-पारस पिंपळकर

जिल्हा संपर्क प्रमुख,

अखिल भारतीय सरपंच संघटना,चंद्रपूर

----

कोट

गावात विकासाची कामे करताना सर्वांचाच विचार करावा लागतो. सरपंच, उपसरपंचांना मानधन दिल्या जाते. मात्र सदस्यांना वंचित ठेवल्या जाते. त्यांनाही शासनाने मानधन दिले पाहिजे.

-शर्मिला रामटेके

सरंच, नवेगाव पांडव

---

कोट

सदस्यांना सभेच्या दिवसाचा भत्ता दिला जातो. त्यामुळे सरपंच, उपसरपंचासह इतर सदस्यांनाही मानधन दिले पाहिजे. सरपंच, उपसरपंचाच्या मानधनामध्ये काही प्रमाणात वाढ करणे आवश्यक आहे.

-सरपंच, नागभीड