नळ ग्राहकांना पाणीपुरवठा करण्यासाठी मजीप्राची धडपड

फोटो

बल्लारपूर : डेपो विभागातील अनेक प्रभागात काही महिन्यांपासून नळाचे पाणी ग्राहकांना पोहोचत नाही. अशा नळ ग्राहकांच्या तक्रारीवरुन महाराष्ट्र जीवन प्राधिकरणच्या अधिकाऱ्यांनी पाईपलाईनची पाहणी करून त्या दुरुस्त करणे सुरु केले आहे.

डेपो विभागात नळाला पाणी येत नाही, अशी तक्रार नळ ग्राहकांनी माजी नगरसेवक प्रभाकर मुरकुटे यांच्या नेतृत्वात मजीप्रा कार्यालयात केली होती. त्या तक्रारीची दखल घेऊन मजीप्राचे उपविभागीय अभियंता सुशील पाटील यांनी पाईपलाईनची पाहणी करून जिथे पाईप ब्लॉकेज आहेत, अशा ठिकाणी खोदून ब्लॉकेज दूर करणे सुरू केले आहे. ज्या ठिकाणी ग्राहकांना पाणी मिळत नाही, त्यावर तोडगा काढणे सुरु केले आहे.नळ ग्राहकांची पाणी न मिळण्याची समस्या दूर होईल असे आश्वासन उपविभागीय अभियंता सुशील पाटील यांनी दिले आहे.