चंद्रपूरमध्ये रेल्वेच्या धडकेत 100 हून अधिक बकऱ्यांचा मृत्यू
By ऑनलाइन लोकमत | Published: June 28, 2019 10:31 AM2019-06-28T10:31:53+5:302019-06-28T10:37:55+5:30
राजुरा येथील बल्लारपूर मार्गावरील रेल्वे क्रॉसिंगजवळ शुक्रवारी (28 जून) सकाळी बकऱ्यांचा कळप रेल्वेखाली चिरडला गेल्याची धक्कादायक घटना समोर आली आहे.
चंद्रपूरमध्ये रेल्वेच्या धडकेत 100 हून अधिक बकऱ्यांचा मृत्यू
Next
ठळक मुद्देबल्लारपूर मार्गावरील रेल्वे क्रॉसिंगजवळ शुक्रवारी सकाळी बकऱ्यांचा कळप रेल्वेखाली चिरडला गेला.जवळपास 100 बकर्‍या मृत्युमुखी पडल्या आहेत.बकरी मालकाचे जवळपास 4 लाखांचे नुकसान झाले आहे.
राजुरा - राजुरा येथील बल्लारपूर मार्गावरील रेल्वे क्रॉसिंगजवळ शुक्रवारी (28 जून) सकाळी बकऱ्यांचा कळप रेल्वेखाली चिरडला गेल्याची धक्कादायक घटना समोर आली आहे. या घटनेत जवळपास 100 बकर्‍या मृत्युमुखी पडल्या आहेत.
मिळालेल्या माहितीनुसार, चुनाळा येथील लिंगय्या नामक गोलकर व्यक्तीच्या जवळपास 150 बकऱ्यांचा कळप रेल्वे क्रॉसिंग जवळील एका शेतात बसविण्यात आला होता. परंतु सकाळी अचानक हा कळप रेल्वे क्रॉसिंगच्या दिशेने पळत सुटला आणि नेमक्या त्याच वेळेस रेल्वे आल्याने जवळपास 100 बकर्‍या आणि मेंढ्या चिरडल्या गेल्याची घटना घडली आहे. या घटनेमुळे बकरी मालकाचे जवळपास 4 लाखांचे नुकसान झाले असून त्याला भरपाई मिळावी अशी मागणी होत आहे.
