पिकअप व दुचाकी वाहन नदीत कोसळले
By लोकमत न्यूज नेटवर्क | Published: January 17, 2018 10:47 PM2018-01-17T22:47:52+5:302018-01-17T22:48:20+5:30
वणी-वरोरा मार्गावरील पाटाळा येथे वर्धा नदीच्या पुलावर दुचाकी व छोटा हाती पिकअप वाहनाची समोरासमोर धडक बसली.
पिकअप व दुचाकी वाहन नदीत कोसळले
Next
आॅनलाईन लोकमत
माजरी : वणी-वरोरा मार्गावरील पाटाळा येथे वर्धा नदीच्या पुलावर दुचाकी व छोटा हाती पिकअप वाहनाची समोरासमोर धडक बसली. या अपघातात पुलाचे रेलिंग तोडून दोन्ही वाहने नदीत कोसळल्याची घटना बुधवारी सायंकाळी ५ वाजताच्या सुमारास घडली. या घटनेत तीन जण गंभीर जखमी असून त्यांना वणीच्या रूग्णालयात हलविण्यात आले आहे.
दुचाकी चालक ज्ञानेश्वर बलकी रा. मरेगाव, संजय धानोरकर व व नितेश पाचभाई असे जखमींची नावे आहेत. दोन्ही वाहने भरधाव असल्याने पूलावर वाहनांची समोरासमोर धडक बसली. हा अपघात इतका जबदरस्त होता की, पुलाची रेलिंग तोडून दोन्ही वाहने नदीत कोसळले.
