येनोली माल येथे क्रिकेट स्पर्धेचे बक्षीस वितरण

सावरगाव : नागभीड तालुक्यातील येनोली माल येथे कोविड १९ बचत गट व क्रीडा मंडळ तथा सतीश वारजुरकर फॅन्स क्लब यांच्या संयुक्त विद्यमाने बुधवारी क्रिकेट स्पर्धेचे आयोजन करण्यात आले होते.

या कार्यक्रमाचे उद्घाटन जिल्हा परिषद चंद्रपूरचे काँग्रेस गटनेता डॉ.सतीश वारजुकर यांच्या हस्ते झाले आणि माजी काँग्रेस तालुका अध्यक्ष प्रफुल्ल खापर्डे यांची प्रमुख उपस्थिती होती. या क्रिकेट स्पर्धेचा बक्षीस वितरण सोहळा रविवारी पार पडला.

या कार्यक्रमाच्या अध्यक्षस्थानी संजय गांधी निराधार समिती नागभीडचे अध्यक्ष तथा तालुका काँग्रेस सचिव विनोद बोरकर होते, तर प्रमुख अतिथी म्हणून भाजपा माजी तालुका अध्यक्ष होमदेव मेश्राम, सरपंच अमोल बावनकर, गिरगांवचे सरपंच प्रशांत गायकवाड, सोनुलीचे माजी सरपंच प्रमोद गायकवाड, डॉ.गिरडकर, येनोली यांची उपस्थिती होती. याप्रसंगी गावकरी तथा मंडळाचे संपूर्ण सभासद उपस्थित होते. यावेळी नेरी येथील नवयुवक क्रिकेट मंडळाला प्रथम पारितोषिक, तर येनोली माल येथील कोविड १९ क्रीडा मंडळाला द्वितीय पारितोषिक प्राप्त झाले. दोन्ही विजयी चमुला मान्यवरांच्या हस्ते बक्षीस वितरण करण्यात आले. संचालन व आभार चोकेश्वर झोडे यांनी मानले.