चिंचाळा ज्येष्ठ नागरिकांच्या जाणून घेतल्या समस्या

चंद्रपूर : महाराष्ट्र नवनिर्माण विद्यार्थी सेनेच्या वतीने चिंचाळा येथे कार्यक्रमाचे आयोजन करण्यात आले होते. या वेळी ज्येष्ठ नागरिकांच्या समस्या जाणून घेण्यात आल्या. एवढेच नाही तर हनुमान मंदिर चिंचाळा, एमआयडीसी, पडोली, यशवंतनगर, जुनी पडोली, आमटा, दाताळा, गगनगिरी परिसरातील गावातील ज्येष्ठ नागरिकांना सिमेंट खुर्च्याही भेट देण्यात आल्या.

या वेळी ज्येष्ठ नागरिकांनी महाराष्ट्र नवनिर्माण विद्यार्थी सेनेचे जिल्हाध्यक्ष राहुल बालमवार, ग्रामपंचायत सदस्य विवेक धोटे, ग्रा.पं. सदस्य नितीन टेकाम, पडोली ग्रामपंचायत सदस्य निशिकांत पिसे, मनसे तालुकाध्यक्ष प्रकाश नागरकर, करण नायर, सुनील खामनकर, सचिन सरपाते यांचा शाल-श्रीफळ देऊन सत्कार केला.

या वेळी ज्येष्ठ नागरिक संघाचे श्रीहरी नरुले, संभाजी गोहणे, मनोहर अतकरे, यादव आवारी, नागोबा देवतळे, लाकडे, कृष्णनाथ बावणे, सुधाकर रामटेके, धामणकर, श्रीराम राठोड, वामनराव जुनघरे, आडकुजी शिवणकर, देवराव वांढरे, नीलकंठ चौधरी, आकुलवार, किसन नागरकर, कष्टी, नक्षिने यांच्यातर्फे सत्कार करण्यात आले.