पुणे-काझीपेठ-पुणे साप्ताहिक रेल्वे गाडी पुन्हा सुरू

पुणे-काझीपेठ ही गाडी पुण्यावरून सायंकाळी ७ वाजता निघणार आहे. चंद्रपूर येथे दुपारी १.२० वाजता पोहोचेल. ११ जुलै रोजी काझीपेठवरून दुपारी १.३० वाजता निघून चंद्रपूर स्थानकावर सायंकाळी ५.३० वाजता पोहोचणार आहे. सध्या ही गाडी साप्ताहिक आहे. वाढत्या प्रवासी संख्येच्या पार्श्वभूमीवर तीन दिवस चालविण्याची मागणी माजी केंद्रीय गृहराज्यमंत्री हंसराज अहिर यांनी केली होती. रेल्वे मंत्रालयाने याबाबत सकारात्मक निर्णय घेतल्याची माहिती रेल्वे संघर्ष समितीने दिली. केंद्र सरकारने पुणे-काझीपेठ-पुणे साप्ताहिक गाडी सुरू करण्याचा निर्णय घेतल्याने रेल्वे सुविधा संघर्ष समितीचे पदाधिकारी रमणिक चव्हाण, दामोदर मंत्री, रमाकांत देवडा, पूनम तिवारी, दिनेश बजाज, अशोक रोहरा, डाॅ. भूपेश भलमे, अविश दीक्षित, महावीर मंत्री, प्रभाकर मंत्री, रमेश बोथरा, नरेश लेखवानी, नरेंद्र सोनी, प्रल्हाद शर्मा, मधुसुदन रुंगठा, राजेश सादरानी, सुरेंद्र गांधी आदींनी समाधान व्यक्त केले.