राजुरा पालिकेतील सफाई कामगारांचा सत्कार

राजुरा : कोरोना काळात आपल्या जिवाची पर्वा न करता दिवसरात्र जनतेची सेवा देत आपले कार्य नियमितपणे करणारे डॉक्टर, आरोग्य कर्मचारी, पोलीस बांधव, सफाई कर्मचारी हे खरे कोरोना योद्धा असल्याचे मत माजी आमदार ॲड. संजय धोटे यांनी व्यक्त केले.

भारतीय जनता पार्टी राजुरातर्फे राजुरा नगर परिषद येथील आरोग्य विभागाचे सफाई कामगार यांचा सत्कार करण्यात आल, यावेळी ते बोलत होते. नरेंद्र मोदी यांच्या सरकारला सात वर्ष पूर्ण झाल्याबद्दल आरोग्य सेवा सप्ताह दिन कार्यक्रमाचे आयोजन करण्यात आले होते. कोरोनामध्ये मृत्यूमुखी पडलेल्या व्यक्तीचा अंतिम संस्कार करणारे सफाई कर्मचारी यांनी आपली निरंतर सेवा देत आपले कर्तव्य पार पाडले. अशा व्यक्तींचा संजय धोटे यांच्या पुढाकाराने शाल, श्रीफळ व भेट वस्तू देऊन सत्कार करण्यात आला. यावेळी माजी आमदार सुदर्शन निमकर, जिल्हा परिषद सभापती सुनील उरकुडे, सतीश धोटे, विनायक देशमुख, हरिदास झाडे, संजय उपगनलावार, प्रशांत घरोटे आदी उपस्थित होते

===Photopath===

310521\img-20210531-wa0223.jpg

===Caption===

सत्कार करताना माजी आमदार संजय धोटे,सुदर्शन निमकर