स्कार्पिओ-अल्टोची समोरासमोर धडक; एक ठार, दोन जण गंभीर जखमी

दोन्ही वाहनांची समोरा-समोर धडक

ठळक मुद्देपारधीगुडा फाटाजवळील घटना

कोरपना (चंद्रपूर) : वणी कडून येणाऱ्या अल्टोला कोरपना कडून जाणाऱ्या स्कार्पिओनी समोरसमोर जोरदार धडक दिल्याने एकाचा मृत्यू तर दोन जण गंभीररित्या जखमी झाले.

ही घटना शुक्रवारी (दि.१५) रात्री बारा वाजताच्या सुमारास कोरपना तालुक्यातील पारधीगुडा फाट्या जवळील तालुका क्रीडा संकुल समोर घडली. यात स्वप्निल संदेश इटनकर (अंदाजे २१ वर्ष) रा. कोरपना याचा जागीच मृत्यू झाला.

संदेश वणीवरून आपल्या अल्टो (जी जे १० ए सी ५७३४) कारने कोरपनाकडे येत होता. तर स्कार्पिओ (एम एच ३८ ४३८३) ही कोरपनाकडून वणीकडे जात होते. दरम्यान, या दोन्ही वाहनांची समोरा-समोर धडक झाली. यात दोघे  गंभीररित्या जखमी झाले. त्यांना चंद्रपूर येथे रेफर करण्यात आले आहे. घटनेचा पुढील तपास कोरपना पोलीस  करीत आहे.