पोंभूर्णा तालुक्यातील चार ग्रामपंचायतींवर शिवसेनेचा भगवा

तालुक्यातील एका ही ग्रामपंचायतील शिवसेनेचा सरपंच व उपसरपंच नव्हता या निवडणूकीत २७ ग्रामपंचायती पैकी 13 ग्रामपंचायती लढवल्या त्यात तबल्ल ७ ग्रामपंचायतीवर शिवसेनेचा भगवा झेंडा फडकवला भाजपाच्या गडाला सुरुंग लावत अनेक वर्षांपासून भाजपाच्या ताब्यात असलेल्या ग्रामपंचायती शिवसेनेने जिल्हाप्रमुख संदीप गिर्हे यांच्या मार्गदर्शनात युवासेनेचे उपजिल्हाप्रमुख आशिष कावटवार व गणेश वासलवार यांच्या नेतृत्त्वात काब्बीज केले आहे.

आज तालुक्यातील आठ ग्रामपंचायतचे सरपंच व उपसरपंच पदाची निवडणूक घेण्यात आली त्यात

दिघोरी येथे सरपंचपदी वनीता वाकुडकर तर उपसरपंचपदी शंकर वाकुडकर, हत्तीबोडी येथे सरपंचपदी संगीता कुडमेथे तर उपसरपंचपदी मिनाताई ढोले, घनोटी तुकुम येथे सरपंचपदी योशोद संदीप ठाकरे तर उपसरपंपदी वैशाली बुरांडे, आष्टा येथे सरपंचपदी किरण किशोर डाखरे तर उपसरपंचपदी रमेश गंगाधर कुमरे यांची निवड झाली. या सर्व ग्रामपंचायतीत शिवसेनेचे सरपंच व उपसरपंच निवडून आले आहेत. शिवसेनेने जिल्हाप्रमुख संदीप गिऱ्हे यांच्या मार्गदर्शनात युवासेना उपजिल्हाप्रमुख आशिष कावटवार व गणेश वासलवार यांच्या नेतृत्त्वात हे यश मिळविले.

भाजपाने चेक बल्लारपूर व पिपरी देशपाडे या दोन ग्रामपंचायतीवर वर्चस्व राखले. चेक बल्लारपूर सरपंचपदी मीनाक्षी ढुमने, तर उपसरपंचपदी प्रवीण लाबाडे, पिपरी देशपाडे येथे सरपंचपदी चंद्रशेखर व्हाडकर व उपसरपंचपदी कालिदास मोडघरे यांची निवड झाली. घोसरी ग्रामपंचायतीच्या सरपंचपदी काँग्रेसच्या सरपंच रोशना लोडे तर उपसरपंचपदी जितेंद्र चुधरी विजयी झाले. सातारा भोसले ग्रामपंचायतवर गोंडवाणा गं.पार्टी ने झेंडा फडकविला. सरपंचपदी शालिनी नरेंद्र सिडाम व उपसरपंचपदी प्रविण पेंदोर यांची निवड झाली आहे.