इनरव्हील क्लब एंजल्सतर्फे श्रावण सोहळा

चंद्रपूर : मैत्री ही मानवाच्या जीवनातील सर्वात सुंदर नाते आहे. रक्ताचे नसले तरी शाश्वत टिकणारे अद्वितीय नाते आहे. हाच मैत्रीचा धागा सदैव मजबूत राहावा, यासाठी इनरव्हील क्लब चांदा फोर्ट एंजल्सतर्फे व मुख्य शाखेतर्फे शकुंतला फार्मस येथे मैत्री दिन व श्रावण स्नेहमीलन सोहळा शनिवारी पार पडला. यावेळी श्रावण सरींचा आल्हाद व श्रावणमास मानवंदनाचे उपक्रम आयोजित केला होता. याप्रसंगी नृत्य, गीत, गायन, विविध स्पर्धा घेण्यात आल्या. विशेष आकर्षक व मन वेधण्यासाठी रॅम्प वॉक क्लबच्या पीडीसी वर्षा कोतपल्लीवार व अन्य पदाधिकारी व सदस्यानी केला. कार्यक्रमाची सुरुवात मंगला गौरी प्रार्थना व सामूहिक नृत्य करून करण्यात आली. यावेळी क्लब अध्यक्ष मुग्धा कोतपल्लीवार, उपाध्यक्ष स्मृती साने, सचिव स्नेहा राजा, क्लब प्रतिनिधी हर्षा शर्मा आदी उपस्थित होते.