एसटीचा प्रवास सुरक्षित मग ट्रॅव्हल्सला पसंती का?

एसटीचा प्रवास सुरक्षित समजला जातो. प्रवाशांना आपल्याकडे आकर्षित करण्यासाठी महामंडळातर्फे विविध योजना राबविण्यात येतात, परंतु महामंडळाच्या अनेक बसची हालत खस्ता झाली आहे. अनेकदा प्रवाशांनाच एसटीला धक्का मारण्याची वेळ आली आहे. याउलट खासगी ट्रॅव्हल्समध्ये प्रवाशांना वातानुकूलित सुविधा दिली जाते. त्यासोबतच मनोरंजनासाठी एलईटी टीव्ही, चार्जिंग करण्यासाठी प्लग आदी सुविधा दिल्या जात असून, महामंडळाच्या बसपेक्षा तिकीट कमी असते. त्यामुळे प्रवासी आपसूकच ट्रॅव्हल्सच्या प्रवासाकडे वळत आहेत. त्यातही ट्रॅव्हल्सची संख्या मोठ्या प्रमाणात वाढल्याने कुठेही जायचे असल्यास अर्धा तासात सहज बस मिळते. त्यामुळे अनेक जण ट्रॅव्हल्सच्या प्रवासाला पसंती देत आहेत.

बॉक्स

एसटीला स्पीड लॉक ट्रॅव्हल्स सुसाट

एसटी महामंडळाच्या बहुतांश बसचा स्पीड लॉक केला असतो. त्यामुळे चालकाला वाहनाची गती वाढविणे अशक्य असते. याउलट ट्रॅव्हल्स सुसाट वेगाने पळत असतात. ग्रामीण भागात धावणाऱ्या बसेचचा स्पडी ६५ किलोमीटर प्रतितास, लांब व मध्यम पल्ल्याच्या ७० वर आणि शिवशाही ७५ ते ८० पर्यंत स्पीड लॉक करण्यात येतो. त्या तुलनेत ट्रॅव्हल्सचा स्पीड अधिक असल्याने प्रवासी ट्रॅव्हल्सला प्राधान्य देत असतात.

कोट

एसटीतून सुरक्षित प्रवासाला प्राधान्य

एसटीचे चालक प्रशिक्षित असतात. त्यांना सावधगिरीने वाहन चालविण्याच्या सूचना असतात, तसेच प्रवाशांसाठी महामंडळातर्फे काही योजनाही राबविण्यात येत असतात. एकदंरीत एसटीतून सुरक्षित प्रवासाला प्राधान्य दिले जाते. त्यामुळे प्रवाशांची एसटीतून प्रवास करून, महामंडळाला सहकार्य करावे.

स्मिता सुतवणे, विभागीय नियंत्रक चंद्रपूर

कोट

आराम महत्त्वाचा की सुरक्षित प्रवास

बसपेक्षा ट्रॅव्हल्सचे भाडे कमी आहे. त्यातच आपणाला जिथे थांबायचे असते. तिथे ट्रॅव्हल्स थांबत असते. त्यामुळे बसपेक्षा ट्रॅव्हल्सचा प्रवास अधिक सोईचा वाटतो. त्यामुळे मी नेहमी ट्रॅव्हल्सच्या प्रवासाला प्राधान्य देत असते.

- अजित गेडाम, प्रवासी

-----

ट्रॅव्हल्समध्ये चित्रपट बघत किंवा गाणे ऐकत मनोरंजनात्मक प्रवास करता येते. याउलट बसमध्ये टीव्ही व नेटची व्यवस्था असतानाही ते कधीच सुरू दिसून येत नाही. त्यातच भाडे कमी असल्याने मी ट्रॅव्हल्सच्या प्रवासाला प्राधान्य देते.

-प्रतीश मोटघरे, प्रवासी

-----

२०१८ ६२९

२०१९ ६०७

२०२० ५६५

२०२१ १२०