विसापुरात राज्यस्तरीय मॅरेथॉन स्पर्धा

विसापूर : येथील लक्ष्मी मॅरेथॉन स्पोर्टिंग असोसिएशन यांच्या वतीने रविवारी राज्यस्तरीय मॅरेथॉन स्पर्धेचे आयोजन केले होते. सकाळी ६ वाजता स्थानिक छत्रपती शिवाजी महाराज चौकामधून स्पर्धेला सुरुवात करण्यात आली. ही स्पर्धा दोन गटांत म्हणजे पुरुष व महिला अशा पद्धतीने आयोजित करण्यात आली होती.

काेरोना प्रादुर्भाव वाढत असतानासुद्धा बरेच जिल्ह्यांतील स्पर्धकाने या मॅरेथॉनमध्ये हिरिरीने भाग घेतला. त्यामध्ये प्रथम- नागपूरचा राजन यादव, द्वितीय- विकेश शेंडे (नागपूर) तर तृतीय भंडाऱ्याचा रितेश पंचबुद्धे हा आला. महिलांमधून स्वाती पंचबुध्दे (करधोनी), विसापूरची प्रीती डांगे हिने द्वितीय क्रमांक पटकावला तर पूजा पंचबुद्धे (करधोनी) हिने तृतीय क्रमांक पटकावला. ही स्पर्धा पुरुषासाठी १२ किमी व महिलांसाठी ८ किमीची होती. विजेत्या स्पर्धकाला प्रमुख पाहुणे चंद्रपूर डी.अम्युचर ॲथलेटिक्स असोसिएशन चंद्रपूरचे दिलीप जयस्वाल,बल्लारपूर पोलीस ठाण्याचे पोलीस निरीक्षक उमेश पाटील, बल्लारपूर नगर परिषदचे अध्यक्ष हरीश शर्मा, विसापूर ग्रा. पं. सदस्य प्रदीप गेडाम, सुनील रोंगे, सुरज टोमटे, विद्या देवाळकर, शशिकला जीवने यांच्या उपस्थितीत विजेत्या स्पर्धकाला बक्षीस प्रदान करण्यात आले.