भद्रनाग युथ फाउंडेशनतर्फे अपंग व्यक्तीला ट्रायसिकल भेट

भद्रावती : भद्रनाग युथ फाउंडेशनच्या वतीने स्थानिक भद्रनाग मंदिर परिसरात राजू चेट्टी नामक दिव्यांग व्यक्तीला ट्रायसिकल व आश्रमामध्ये व्हील चेअरचे वाटप खासदार बाळू धानोरकर यांच्या हस्ते वाटप करण्यात आले.

याप्रसंगी आमदार प्रतिभा धानोरकर, नगराध्यक्ष अनिल धानोरकर, राष्ट्रवादी काँग्रेसचे युवा नेते मुनाज शेख, भद्रनाग फाउंडेशनचे अध्यक्ष फयाज शेख, साबिया देवगडे हे उपस्थित होते. खासदार सुरेश उर्फ बाळू धानोरकर यांच्या वाढदिवसाचे औचित्य साधून हा कार्यक्रम घेण्यात आला. समाजातील प्रत्येक घटकातील सामान्य नागरिक मागील वर्षांपासून कोरोनासारख्या महामारीमुळे त्रस्त झाले असून, अशाही बिकट परिस्थितीचा सामना करीत आहे, अशा संकटात सावरण्याचे ईश्वर सर्वांना बळ देवो, असे मत यावेळी बाळू धानोरकर यांनी व्यक्त केले. यावेळी रोशन कोमरेड्डीवार, आशू दैवलकर, अमोल बडगे, नीलेश जगताप, राकेश किनेकर, संजय डोंगरे, प्रमोद वावरे, राकेश पुल्लरवर, श्रेयश आसेकर, आशिष मळकाम, कृष्णा तुराणकर, शुभम मडावी, शुभम असृूटकर, चेतन दातरकर, अनिल सोनवलकर, सोनू कुटेमाटे, शुभम नागपुरे, अजय कावळे आदी उपस्थित होते.

040721\1714-img-20210704-wa0002.jpg

अपंग व्यक्तींना सायकल वाटप