ट्रक घुसला बकऱ्याच्या कळपात

चिमूर-वरोरा राज्य महामार्गावरील शेडेगाव गावालगत भरधाव येणारा ट्रक चक्क बकरीच्या कळपात घुसल्याने या ट्रकने आठ बकऱ्यांना चिरडले.

आठ बकऱ्यांना चिरडले : गावकऱ्यांचे एक तास चक्काजाम
लोकमत न्यूज नेटवर्क
चिमूर : चिमूर-वरोरा राज्य महामार्गावरील शेडेगाव गावालगत भरधाव येणारा ट्रक चक्क बकरीच्या कळपात घुसल्याने या ट्रकने आठ बकऱ्यांना चिरडले. तर काही बकऱ्या जखमी झाल्या. ही घटना रविवारी सकाळी ९ वाजतादरम्यान शेडेगाव येथील आरोग्य उपकेंद्रापुढे घडली.
चिमूर पोलीस स्टेशनअंतर्गत येणाऱ्या शेडेगाव येथील बकरी चारणारा शेळकी गावातील बकऱ्या घेवून जंगलात जात होता. गावाजवळील आरोग्य उपकेंद्राजवळ वरोराकडून येणाऱ्या ट्रक क्रमांक एमएच ३४ एबी ४६४२ च्या चालकाचे भरधाव ट्रक असल्याने नियंत्रण सुटले. तो ट्रक सरळ बकऱ्यांच्या कळपात घुसला.
त्यामध्ये या ट्रकने एका मागून एक आठ बकऱ्याना चिरडले. तर अनेक बकऱ्या जखमी झाल्या आहे.
घटनेची माहिती गावात पोहोचतच गावकऱ्यांनी घटनास्थळावर धाव घेत ट्रक अडविला. तसेच बकऱ्यांचे मृतदेह रस्त्यावर असल्याने चिमूर-वरोरा मार्ग काही काळासाठी बंद पडला होता. घटनेची माहिती चिमूर पोलिसांना देताच ठाणेदार दिनेश लबडे ताफ्यासह घटनास्थळावर दाखल झाले. त्यांनी गावकऱ्याची समजूत काढून वाहतूक सुरळीत केली. त्यानंतर या अपघाताचा पंचनामा केला.