सावली-चंद्रपूर मार्गावर दोन ट्रकची धडक, चालक गंभीर

सावली : चंद्रपूर मार्गावरील खेडी फाट्याजवळ उभ्या ट्रकला मागवून येणाऱ्या ट्रकने जोरदार धडक दिली. ही घटना मंगळवारी पहाटेच्या सुमारास घडली. सुदैवाने यात कोणतीही जीवितहानी झाली नाही.

गडचिरोली जिल्ह्यातून ओला बांबू घेऊन येणारा ट्रक क्रमांक एमएच ३४ एबी ०८१५ हा सावली मार्गे बल्लारशा येथे जात होता. सावलीपासून काही अंतरावर खेडी फाट्याजवळ सदर ट्रक चालक बबलू सिंग परमार ट्रक रस्त्याच्या कडेला थांबवून खाली उतरला होता. अचानक मागून भरधाव वेगाने ट्रक क्रमांक सीजी ०८ व्ही ८८२२ ने उभ्या ट्रकला जोरदार धडक दिली. या जबर धडकेत चालक देवेंद्र साहू रा. छत्तीसगड हा गंभीर जखमी झाला. धडक इतकी जबरदस्त होती की मागावून येणाऱ्या ट्रकचे मोठ्या प्रमाणात नुकसान झाले. केबिनमध्ये अडकलेल्या चालकाला काढण्याकरता सुमारे तीन ते चार तास लागल्याची माहिती आहे. जखमी चालकाला येथील ग्रामीण रुग्णालयात उपचाराकरिता भरती करण्यात आले. पुढील तपास सावली पोलीस करीत आहेत.