ट्रॅक्टरच्या धडकेत दुचाकीस्वार ठार

:नेरी-नवरगाव मार्गावर रेती वाहतूक करणाऱ्या ट्रॅक्टर आणि दुचाकीच्या अपघातात दुचाकीस्वार जागीच ठार झाला तर मागे बसलेला गंभीर जखमी झाला. सदर घटना शनिवारी सायंकाळी ५ वाजता दरम्यान घडली.

गोकुलदास मेश्राम (४६) रा. मोठेगाव असे मृतकाचे नाव आहे. दिवाकर दडमल गंभीर जखमी झाला आहे.

मोटेगाव येथील गोकुलदास मेश्राम आणि दिवाकर दडमल हे दोघे जण आपल्या दुचाकीने (क्रमांक एमएच ३४ बीक्यू ९७७८) नेरीला कामानिमित्त येत असताना आणि नेरीवरून नदी घाटावर अवैध रेतीची तस्करी करण्यासाठी सुसाट वेगाने जात असलेले बिना नंबरच्या ट्रॅक्टरने दुचाकीला धडक दिली. यात दुचाकीस्वार गोकुलदास मेश्राम हे जागेवरच ठार झाले तर दिवाकर दडमल जखमी झाले. त्यांना रुग्णालयात उपचारासाठी दाखल करण्यात आले आहे. घटनेनंतर ट्रॅक्टरचालक फरार झाला. पुढील तपास सुरू आहे.