आठवडी बाजार पूर्ववत सुरू करा

ब्रम्हपुरी : चंद्रपूर जिल्ह्यातील सर्वात मोठ्या बाजारपेठेपैकी एक असणारा ब्रम्हपुरी येथील शुक्रवारी भरणारा आठवडी बाजार ब्रम्हपुरी नगर परिषदच्या अनागोंदी कारभारामुळे बंद झाला आहे. त्यामुळे ब्रम्हपुरी शहरातील नागरिकांसोबतच तालुक्यातील ९० गावांतील खरेदीदार-विक्रीदार शेतकऱ्यांना नाहक त्रास सहन करावा लागत आहे. त्यामुळे हा आठवडी बाजार सुरू करण्याची मागणी राष्ट्रवादी कॉंग्रेस पार्टीने केली आहे.

भाजीपाल्याचे उत्पादन घेणारे शेतकरी, लहान हॉटेलवाले, व्यापारी तसेच स्थानिक दुकानदारांना याचा आर्थिक फटका बसत आहे. वास्तविक ब्रम्हपुरी शहर सोडून चंद्रपूर जिल्ह्यातील सर्वच आठवडी बाजार नियमितपणे सुरू झाले असून ब्रम्हपुरी येथील आठवडी बाजार शुक्रवारी पूर्ववत करण्याची मागणी राष्ट्रवादी काँग्रेस पार्टीचे तालुकाध्यक्ष वासुदेव सोंदरकर, जगदीश पिलारे, रा. यु. काँ. तालुकाध्यक्ष अश्विन उपासे, रा.यु. काँ. शहराध्यक्ष पराग बनपूरकर रा. काँ.सा. व न्याय. तालुका अध्यक्ष प्रवीण (सोनू) गेडाम यांनी केली आहे. विशेष म्हणजे, नगर परिषदेच्या सर्वसाधारण सभेत हा प्रस्ताव एकमताने मंजूर करण्यात आला आहे.